Milyarder iş adamının qızı və nəvəsi təyyarə qəzasında öldü

ABŞ-ın paytaxtı Vaşinqton yaxınlığında şəxsi təyyarə qəzaya uğrayıb.  

Avtosfer.az xəbər verir ki, hadisə nəticəsində  təyyarədə olan 4 nəfər həyatını itirib.  

Həyatını itirənlər arasında milyarder iş adamı Con Rumpelin qızı və nəvəsinin də olduğu açıqlanıb. Belə ki, Floridada yerləşən "Melbourne Inc." şirkətin sahibi Rumpel,  "New-York Times" qəzetinə verdiyi açıqlamada, qəzaya uğrayan təyyarədə qızı və 2 yaşlı nəvəsi, dayəsi və şirkət pilotunun tapıldığını bildirib.  

Milyarder iş adamı şirkətin nəzdində olan "Encore Motors" reaktiv təyyarənin qəzaya uğraması ilə bağlı səlahiyyətli orqanlardan məlumat ala bilmədiyini, lakin qəzanın təzyiqin azalması nəticəsində baş verə biləcəyini vurğulayıb. 

Rumpelin qızı Adina Azaria  daşınmaz əmlak firması "Keller Williams NYC" işləyirmiş.  

"Unikal"