Mingəçevirdə avtomobil qaz xəttinə çırpıldı

Mingəçevirdə idarəetmədən çıxan avtomobil yanğınsöndürmə su krantını dağıdıb və qaz xəttinə çırpılıb.

Avtosfer.az-ın məlumatına görə, hadisə Təbriz küçəsində baş verib.

“Shevrolet” markalı avtomobil VAZ-2106 markalı maşına çırpılaraq idarəetmədən çıxıb. Maşın yol kənarındakı yanğınsöndürmə qurğusunu sındırıb, qaz borusuna  dəyərək yaşıllıq zolağına düşüb və orada ilişib qalıb.

Hadisə zamanı xəsarət alan olmasa da maşınlara və şəhər təsərrüfatına ciddi ziyan dəyib.

Bizim.Media

Fakrla bağlı araşdırma aparılır.