Mingəçevirdə yeniyetmələr maşını qaçırıb qəza törətdilər

Mingəçevirdə avtomobil qaçırılıb.

Daxili İşlər Nazirliyindən Avtosfer.az-a verilən xəbərə görə, iyunun 15-də gecə saatlarında Mingəçevir şəhəri ərazisindən “VAZ-21099” markalı avtomobilin qaçırılması barədə polisə məlumat daxil olub.

Şəhər Polis Şöbəsi və Baş Dövlət Yol Plolisi İdarəsi əməkdaşlarının keçirdikləri əməliyyat-axtarış tədbirləri nəticəsində avtomobil Goranboy rayonu ərazisində yol ayırıcısına dəymiş vəziyyətdə tapılıb. Nəqliyyat vasitəsini qaçırmaqda şübhəli bilinən şəhər sakinləri olan iki yeniyetmə saxlanılıb.

Araşdırma aparılır.