Minik maşını yük avtomobili ilə toqquşub

Ağcabədi rayonunda minik və yük avtomobillərinin toqquşması ilə nəticələnən yol qəzası baş verib. "Report" xəbər verir ki, hadisə rayonun Hindarx qəsəbəsində qeydə alınıb. Ağdam istiqamətində hərəkətdə olan "KamAZ" markalı yük maşını Ağcabədi istiqamətində gedən "VAZ 2107" ilə toqquşub. Qəza zamanı minik avtomobilinin sürücüsü və qadın sərnişini müxtəlif dərəcəli bədən xəsarətləri alaraq xəstəxanaya çatdırılıb.

Faktla bağlı Ağcabədi rayon Polis şöbəsində araşdırma aparılır.