Motosiklet TIR-a çırpıldı - VİDEO

Türkiyədə dəhşətli yol nəqliyyat hadisəsi baş verib. Avtosfer.az Türkiyə mətbuatına istinadən xəbər verir ki, Kütahya-Eskişehir magistral yolunda motosiklet TIR-la toqquşub. Kütahya istiqamətində motosikletlə hərəkət edən Tuncay V. adlı sürücü M.T. adlı sürücünün idarə etdiyi TIR-a dəyib. 

Qəza nəticəsində Tuncay U. (39) və motosikletin sərnişini Ufuk B. (37) yaralanıb. Yaralılar təcili tibbi yardım vasitəsilə yaxınlıqdakı xəstəxanaya çatdırılıb. Yaralı Ufuk B. xəstəxanada edilən müdaxilələrə baxmayaraq dünyasını dəyişib. 

Digər yaralı şəxs Tuncay U.-nun hələ də həyati təhlükəsinin olduğu deyilir. Qəza anı təhlükəsizlik kamerası tərəfindən saniyə saniyə qeyd edilib. Hadisədən sonra TIR sürücüsü saxlanılıb. 

Faktla bağlı cinayət işi açılıb və istintaq aparılır.