Müşfiqabadda ağır qəza: Yük maşını qayda pozan piyadanı vurdu - VİDEO

Bakı-Şamaxı yolunda piyada vurulmasıyla nəticələnən yol-nəqliyyat hadisəsi baş verib.
Avtosfer.az xəbər verir ki, qəza dünən səhər saatlarında Abşeron rayonunun Müşfiqabad qəsəbəsində qeydə alınıb. Görüntüdən aydın olduğu kimi, piyada yolu keçmək istəyərkən “Qazel” markalı yük maşını vurub. Belə ki, qəza qurbanı olan orta yaşlı kişi piyada keçidi olmayan yoldan istifadə edərək qayda pozub. Nəticədə qarşıdan gələn yük maşınının hədəfinə çevrilən piyada ağır xəsarətlər alıb. Yaralı xəstəxanaya yerləşdirilib.
Qeyd edək ki, hadisəylə bağlı qəza bölgəsinə DYP əməkdaşları cəlb olunub. Faktla bağlı araşdırma aparılır. 

Nərmin