Naxçıvanda ağır qəza: Bir ailənin dörd üzvü xəsarət aldı - FOTO

Naxçıvan-Sədərək magistralında ağır yol-nəqliyyat hadisəsi baş verib, dörd nəfər xəsarət alıb.

Hadisə bu gecə magistralın Duzdağ yoluna yaxın ərazisində qeydə alınıb.

Belə ki, “BYD” markalı avtomobilinin yük avtomobili ilə toqquşması nəticəsində 2-si azyaşlı olmaqla, bir ailənin dörd üzvü xəsarət alıb.

Hadisə zamanı xəsarət alan Kəngərli rayon Qıvraq qəsəbə sakinləri 1959-cu il təvəllüdlü Əli Səfər oğlu Quliyev, 1985-ci il təvəllüdlü Xəyal Eli oğlu Quliyev, 2009-cu il təvəllüdlü Elmin Xəyal oğlu Quluzadə və 2010-cu il təvəllüdlü Emin Xəyal oğlu Quluzadə Naxçıvan Muxtar Respublika Xəstəxanasına yerləşdiriliblər. Onların ikisinin vəziyyətin orta-ağır olduğu bildirilir.

Faktla bağlı araşdırma aparılır. (apa)