Naxçıvanda bir ailə qəzaya düşdü, ölən və xəsarət alanlar var - FOTO

Naxçıvanda ağır yol-nəqliyyat hadisəsi baş verib, ölən var.

75-BH-431 nömrəli avtomobillə 71-BB-012 nömrəli avtomobilin toqquşması nəticəsində 3 nəfər xəsarət alıb, 1 nəfər ölüb.

İlkin məlumata görə, xəsarət alan ana və iki övladı Naxçıvan Muxtar Respublika Xəstəxanasının Travmatalogiya şöbəsinə yerləşdirilib, ata isə vəfat edib.

Faktla bağlı araşdırma aparılır.

***

Naxçıvanda qəza zamanı ölən və xəsarət alan ailə üzvlərinin kimliyi məlum olub.

Qəza nəticəsində ata - 1988-ci il təvəllüdlü Naxçıvan şəhər sakini Süleymanov Azər Abbas oğlu xəstəxanaya gətirilərkən yolda vəfat edib. Ana - 1988-ci il təvəllüdlü Tarverdiyeva Münəvvər Məhərrəm qızı, uşaqları 2013-cü il təvəllüdlü Süleymanov Abbas Azər oğlu və 2023-cü il təvəllüdlü Süleymanova Alisa Azər qızı müxtəlif bədən xəsarətləri alıblar.

Ana və qızının vəziyyəti orta-ağır, oğlunun isə vəziyyəti ağırdır.