Naxçıvanda DƏHŞƏTLİ QƏZA: 6 ölü - Hadisə yerindən GÖRÜNTÜLƏR - VİDEO

Naxçıvanın Kəngərli rayonunda baş verən qəzada xəsarət alanların adları məlum olub.

Onların 4-ü reanimasiyada, 2-i isə travmatalogiya şöbəsindədir.

Qəzada xəsarət alanlar aşağıdakılardır:

1993-cü il təvəllüdlü Əliyev Cəlil Musa oğlu, 1994-cü il təvəllüdlü Sultanova Elmira Əlirza qızı, 2003-cü il təvəllüdlü Cəfərova Zəhra Fərman qızı, 2013-cü il təvəllüdlü Sultanlı Fəridə Fariz qızı, 2014-cü il təvəllüdlü Sultanlı Səlim Fariz oğlu və 2018-ci il təvəllüdlü Sultanov Xanlar Toğrul oğlu. (apa)

***

Naxçıvan Muxtar Respublikasının Kəngərli rayonunun Yeni Kərki kəndində baş vermiş ağır yol-nəqliyyat hadisəsi zamanı ölənlərin sayı 6-ya çatıb.

Bu barədə report-un yerli bürosu xəbər verir.

Qəza nəticəsində xəsarət almış daha 4 nəfərin isə vəziyyəti ağır olaraq qalır.

Hazırda onların müalicəsi Naxçıvan şəhər Mərkəzi Xəstəxanasında davam etdirilir.

***

Naxçıvanda baş verən ağır yol qəzasında ölənlərin sayı artıb.

Kəngərli rayonunda baş verən hadisə zamanı 5 nəfər ölüb.

Qəzada yaralı olan beş nədərin vəziyyəti də ağır qiymətləndirilir.

Hər iki avtomobildə olanların toy məclisindən qayıtdığı bildirilir.

***

Bu gün gecə saatlarında Naxçıvanın Kəngərli rayonunda ağır yol-nəqliyyat hadisəsi qeydə alınıb.

Qəza rayonun Kərki və Böyükdüz kəndləri arasında baş verib.

Belə ki, 71-BC-377 dövlət nömrə nişanlı "Hyundai" markalı avtomobillə 74-BB-744 dövlət nömrə nişanlı "Wolswagen" markalı nəqliyyat vasitəsinin toqquşması nəticəsində biri uşaq olmaqla, 4 nəfər ölüb.

Hadisə yerinə hüquq-mühafizə orqanları və Naxçıvan Muxtar Respublikası Fövqəladə Hallar Nazirliyinin əməkdaşları cəlb ediliblər.

Yaralılar Naxçıvan Muxtar Respublika Xəstəxanasına yerləşdiriliblər.

Faktla bağlı araşdırma aparılır. (apa)