Naxçıvanda yağışlı hava zəncirvari qəzaya səbəb oldu - FOTO

Naxçıvanda yol-nəqliyyat hadisəsi baş verib.

Hadisə axşam saatlarında muxtar respublikanın Babək rayonunun Zeynəddin kəndi yolunda qeydə alınıb.

Ağırtonajlı avtomobil yolun kənarında dayanan 67-BF-357 dövlət nömrə nişanlı "VAZ-2106" markalı avtomobilə çırpılıb. O isə qarşısında duran 71-BB-211 dövlət nömrə nişanlı VAZ-2121 NİVA markalı avtomobillə toqquşub. NİVA isə qarşısında dayanan "Qazel"ə çırpılıb. Nəticədə, hər 3 avtomobilə ciddi ziyan dəyib, sürücülər yüngül xəsarət alıb.

İlkin araşdırmalara görə, qəzaya səbəb havanın yağışlı olması olub.

Faktla bağlı araşdırmalar davam edir. (apa)