Naxçıvanda zəncirvari QƏZA: 4 avtomobil toqquşub - FOTO

Naxçıvanda zəncirvari qəza olub, 4 avtomobil toqquşub.

Avtosfer.az APA-ya istinadən xəbər verir ki, hadisə Naxçıvan-Şahbuz magistralının 2-ci kilometrliyində (Dilqəm Pişəvari küçəsi) baş verib.

Qəza zamanı 67-BD-817 dövlət nömrə nişanlı "VAZ2107" markalı avtomobil, 90-RF-865 dövlət nömrə nişanlı "Lada" markalı avtomobil, 64-BB-661 dövlət nömrə nişanlı "Toyota" markalı avtomobil və 77-KF-754 dövlət nömrə nişanlı "Hyundai" markalı avtomobillər toqquşub. İlkin məlumata görə, qəzaya səbəb havanın dumanlı və yağışlı olmasıdır.

Hadisə yerinə polis əməkdaşları cəlb edilib.

Faktla bağlı araşdırma aparılır.