Nəhəng kran binaya düşdü- yaralananlar var – VİDEO

ABŞ-ın Nyu-York şəhərində nəhəng qaldırıcı kran göydələnlərdən birinin üzərinə aşıb. Anspress-in "The Telegraph" qəzetinə istinadən verdiyi məlumata görə, hadisə nəticəsində ölən olmasa da, 10 nəfər yaralanıb. Şəhərin meri Bil de Blazionun sözlərinə görə yaralananlar əsasən piyadalardır. Onlar arasında ciddi xəsarət alan yoxdu. Kran işlədilən tikintidə 2 fəhlə xəstəxanaya yerləşdirilib. Bundan əlavə mer bildirib ki, “Allaha şükür olsun ki, insident ətrafda az adam olan vaxt baş verib”.

Polisin məlimatına əsasən səhər saat 10:50 radələrində qaldırıcı kran Madison Ave 261 ünvanındakı binanın damına havalandırma sistemi qaldırarkən, tros qırılıb və nəticədə kranın daşıdığı avadanlıqlar binanın üzərinə oradan da küçəyə düşüb.

Hadisədən sonra ətraf küçələr bir neçə saatlığa bağlanıb. Hökümət qüvvələri hadisənin baş vermə səbəblərinin araşdırıldığını deyirlər.