Nəzarətdən çıxıb, uçdu - VİDEO

Nəzarətdən çıxan avtomobil digər maşınların üzərindən uçaraq divara çıpıldı,  sürücü bu qəzadan burnu belə qanamadan sağ çıxdı. Avtosfer.az atv.az-a istinadən xəbər verir ki, ABŞ-ın Florida ştatında keçirilən  yarış tükürpədici qəzaya səhnə olub. Kifayət qədər inamlı başlayan yarışın son raundunda Ostin Dilonun idarə etdiyi avtomobil ağır qəzaya uğrayıb.

Bütün dünyada maraqla izlənilən Naskar rallisində yağmurlu hava avtomobillərin sürüşmə ehtimalını daha da artırıb. Sürücülər  yolun sürüşkən olduğunu sonadək nəzərdə tutsalar da,  Dilona məxsus avtomobil onu yarı yolda qoyub. Nəzarətdən çıxan maşın tamaşaçıların gözü qarşısında ortaya bu fəsadları çıxarıb.

Maraqlısı isə odur ki, bu qəzada sürücü yox, məhz tamaşaçılar xəsarət alıb.  Dəhşətli qəzaya səhnə olan sürət yarışını Deyl adlı sürücü öndə tamamlayıb.

Bu qəza finiş xəttinə birinci çatan sürücünün çempionluq sevincinə də soğan doğrayıb. Buna səbəb həmin sürücünün atasının da illər öncə bu cür qəzada dünyadan köçməsidir.