Oğuzda minik avtomobil yanıb

Oğuz rayonunda nəqliyyat vasitəsi hərəkətdə olarkən anidən alışıb.

Avtosfer.az "Report"a istinadən xəbər verir ki, hadisə bu gün axşam saatlarında şəhərin Heydər Əliyev prospektində qeydə alınıb.

Belə ki, Oğuz sakini Ağalar Qafarova məxsus "QAZ-3110" markalı minik avtomobili hərəkətdə olarkən anidən alışıb.

Hadisə yerinə Oğuz Dövlət Yanğından Mühafizə Hissəsinin yanğınsöndürən texnikası və şəxsi heyəti cəlb olunub.

Yanğın nəticəsində avtomobilin mühərrik hissəsi təmamilə yanıb.

Yanğın zamanı sürücü xəsarət almayıb.