Ölümlə nəticələnən qəza: “VAZ-2106” dirəyə girdi, “Opel” çevrildi - VİDEO

Sükanı buraxan sürücü əks istiqamətdəki avtomobillə toqquşaraq daş hasara çırpılıb.
Avtosfer.az xəbər verir ki, ağır qəza dünən günorta saatlarında Qubada qeydə alınıb. Görüntülərdən bəlli olduğu kimi, “Opel” markalı avtomobil, “VAZ-2106” markalı avtomobillə toqquşub. Qəza şahidlərinin məlumatına əsasən, yol-nəqliyyat hadisəsinin baş verməsinə səbəb “VAZ-2106” markalı avtomobilin nəzərdə tutulandan yüksək sürət həddi ilə hərəkət etməsi olub. Belə ki, qəflətən idarəni itirən sürücü öncə əks istiqamətdə irəliləyən “Opel”lə toqquşub, daha sonra yol kənarındakı dirəyə girib. “Opel” aldığı yüksək zərbə ilə üzü üstə çevrilib. Sürücülərdən biri dünyasını dəyişib, digəri xəstəxanaya yerləşdirilib.
Qeyd edək ki, hadisə yerinə cəlb olunan DYP əməkdaşları faktla bağlı araşdırma aparıb. 

Nərmin