Pakistanda sərnişin qatarı relsdən çıxdı: 30 ölü, 80 yaralı - YENİLƏNİB

Pakistanın Sind əyalətinin Nəvvabşah şəhərinin yaxınlığında qatarın 10 vaqonunun relsdən çıxması nəticəsində ölənlərin sayı 30-a yüksəlib.

Bu barədə “Geo TV” məlumat yayıb.

Bildirilib ki, olayda yaralananların sayı isə 80-ə çatıb.

***

Pakistanın cənubunda baş verən dəmir yolu qəzasında azı 15 nəfər həlak olub.

Məlumata görə, daha 40 sərnişin yaralanıb.

Bildirilir ki, sürət qatarı Kəraçidən Abbasabad istiqamətində hərəkət edərkən səkkiz vaqon relsdən çıxıb.