Paytaxtda ata və oğlu yol qəzasında xəsarət alıb

Bakıda iki avtomobil toqquşub, ata və oğlu yaralanıb.

"Report"un məlumatına görə, hadisə Xətai rayonunda qeydə alınıb.

Ağ Şəhər yaxınlığında 1984-cü il təvəllüdlü Kərimov Elgün Arif oğlunun idarə etdiyi minik avtomobili qarşıdan gələn digər nəqliyyat vasitəsi ilə toqquşub. Qəza zamanı E.Kərimov və oğlu, 2014-cü il təvəllüdlü Kərimli Altay Elgün oğlu xəsarət alıblar.

Yaralılar təcili tibbi yardımın köməkliyi ilə xəstəxanaya çatdırılıb. Müayinə zamanı E.Kərimova kəllə-beyin travması, A.Kərimliyə isə qapalı kəllə-beyin travması və baş-beyin əziyi diaqnozları qoyulub.

Faktla bağlı araşdırma aparılır