Paytaxtda avtobusla toqquşan “Kia” tanınmaz hala düşdü - VİDEO

Yüksək sürətlə idarəetməni itirən sürücü ağır qəzaya səbəb olub.
Avtosfer.az xəbər verir ki, qəza dünən səhər radələrində Hava limanı yolunda qeydə alınıb. Görüntülərdən bəlli olduğu kimi, “Kia” markalı avtomobil, Bakubus MMC-yə məxsus 160 nömrəli avtobusla toqquşub. Qəzanın baş verməsinə səbəb yüksək sürət olub. Belə ki, avtobusun arxa hissəsinə dəyən “Kia” tamamilə yararsız vəziyyətə düşüb. Ayağından zədələnən sürücü isə yüngül xəsarətlərlə qəzadan qurtulmağı bacarıb. Sıradan çıxan maşın evakuator vasitəsilə hadisə yerindən uzaqlaşdırılıb. 
Qeyd edək ki, hadisəylə bağlı qəza bölgəsinə DYP əməkdaşları cəlb olunub. Faktla bağlı araşdırma aparılır. 

Nərmin