“Pick-up” “Qazel”lə toqquşaraq ayrıcı zolağın üzərinə çıxdı - VİDEO

Gəncə şəhərinin Gülüstan-Xanlar yolunda nəqliyyat vasitələri toqquşub.
Avtosfer.az xəbər verir ki, yol-nəqliyyat hadisəsi dünən səhər saatlarında cərəyan edib. Görüntüdən aydın olduğu kimi, “Pick-up” markalı avtomobil, 10-GS-372 dövlət nömrə nişanlı, “QAZ” markalı yük maşını ilə toqquşub. Hadisə şahidlərinin iddiasına görə, qəzanın baş verməsinə səbəb “Pick-up” sürücüsünün yüksək sürətlə ötmə qaydasına məhəl qoymaması olub. Nəticədə bir-birinə dəyən nəqliyyat vasitələri sıradan çıxıb. Sürücülər arasında ölüm faktı qeydə alınmayıb.
Qeyd edək ki, hadisəylə bağlı qəza bölgəsinə DYP əməkdaşları cəlb olunub. Faktla bağlı araşdırma aparılır.

Nərmin