Piyadanı vuran sürücü hadisə yerindən qaçıb

Avtosfer.az regiontv-yə istinadən xəbər verir ki, Gəncədə Nizami prospektinin Nərimanov və Dədə Qorqud küçələri ilə kəsişməsində piyadanın vurulması ilə nəticələnən yol qəzası baş verib. Hadisə zamanı 28 yaşlı İlkin İlqar oğlu Quliyev naməlum avtomobil tərəfindən vurulub. Qəza törədən sürücü hadisə yerindən qaçıb. Yaralı ağır vəziyyətdə Gəncə Şəhər Təcili Tibbi Yardım Xəstəxanasına çatdırılıb, onun koma vəziyyətində olduğu bildirilir.