“Prius” avtobusu vuraraq yoldan çıxardı - Sərnişinlərin halı pisləşdi - VİDEO

İdarəetməni itirən sürücü öndə gedən avtobusa dəyərək qəza yaradıb.
Avtosfer.az xəbər verir ki, sosial şəbəkələrdə geniş yayılmış qəza hadisəsi Xırdalan ərazisində qeydə alınıb. Həvəskar çəkilişdən də bəlli olduğu kimi, “Toyota Prius” markalı avtomobil, 20-EO-945 dövlət nömrə nişanlı, “Isuzu” markalı avtobusla toqquşub. Hadisə şahidlərinin məlumatına əsasən, yol-nəqliyyat hadisəsinin baş verməsinə səbəb “Prius”sürücüsünün sükan çənbərini döndərə bilməməsi nəticəsində çaşaraq tormoz əvəzinə qaza basması olub. Nəticədə o, öndə gedən avtobusu yolundan çıxarıb və kənardakı otluğa çıxmasına səbəb olub. Minik vasitəsinin altına girən “Prius”un ön hissəsi tamamilə yararsız hala düşüb. Xəsarət alan olmasa da, avtobusdakı sərnişinlərdən bəzilərinin vəziyyəti pisləşib.  
Qeyd edək ki, hadisə yerinə cəlb olunan DYP əməkdaşları qəzayla bağlı araşdırma aparıb.

Nərmin