“Prius” yük maşınını divara çırpdı - VİDEO

İdarəetməni itirən taksi sürücüsü yol kənarındakı yük maşınını hədəfinə saldı. 
Avtosfer.az xəbər verir ki, sosial şəbəkələrdə qınaq obyektinə çevrilən qəza paytaxtın mərkəzi küçələrindən birində baş verib. Həvəskar kamerasının lentə aldığı görüntülərdən də məlum olduğu kimi “Toyota Prius” markalı, 99-UL-246 dövlət nömrə nişanlı avtomobillə “Ford Transit” markalı yük maşını toqquşub. Hadisə şahidlərinin məlumatına görə qəzanın baş verməsinə səbəbkar “Prius” markalı avtomobilin sürücüsü olub. Belə ki, idarəetməni itirən “Prius” sürücüsü yolun sağ tərəfində dayanan yük maşınına dəyib. Nəticədə divara çırpılan yük maşını torpaq sahəyə girib. “Prius”un öndən sağ tərəfi, “Ford”un isə ön və arxa hissələri yararsız hala düşüb. 

Nərmin