Qadın sürücü “Prius”la çörək sexinə girdi – 3 ölü, 6 yaralı - VİDEO

Qadın sürücü ağır yol qəzası törədib. Avtosfer.az xəbər verir ki, ABŞ-nin Los-Anceles şəhərində baş verən hadisə kameraya düşüb. Belə ki, 92 yaşlı qadın sürücü idarə etdiyi “Toyota Prius” markalı avtomobillə hərəkətdə olan zaman ilk əvvəl velosipedçini vurub. Daha sonra idarəetmədən çıxan avtomobil çörək sexinə çırpılıb.

“Yol hərəkəti haqqında” Qanunda hansı dəyişikliklər ediləcək? – EKSPERT AÇIQLADI - VİDEO

Qəza nəticəsində sexin 30-55 yaşlı iki kişi işçisi və 42 yaşlı bir qadın müştəri hadisə yerində ölüblər. Velosipedçi də daxil olmaqla ümumilikdə 6 nəfər xəsarət alıb. Yaralılar xəstəxanaya yerləşdiriliblər.

Yaşlı qadın polis tərəfindən saxlanılıb. Faktla bağlı cinayət işi açılıb, araşdırma aparılır.

Sözügedən hadisənin anbaan videosunu təqdim edirik:

Namiq Musayev