Qaradağda ağır qəza : Ürəyi tutan sürücü avtomobili daş hasara çırpdı - VİDEO

Sükan arxasında ürəyi tutan sürücü idarəetməni itirərək avtomobili daş hasara çırpıb.
Avtosfer.az xəbər verir ki, ağır yol-nəqliyyat hadisəsi dünən saat 10 radələrində, Bakı-Qazax avtomobil yolunun Qaradağ rayonu, Sahil qəsəbəsində qeydə alınıb. Görüntülərdən məlum olduğu kimi, 10-GM-756 dövlət nömrə nişanlı, “QAZ 3110” markalı avtomobilin sürücüsü idarəetməni itirərək maşını yolun sağ kənarındakı daş hasara vurub. Hadisə şahidlərinin məlumatına əsasən, ağır yol-nəqliyyat hasisəsinin baş verməsinə səbəb sürücünün qəfil ürək tutması olub. Şok vəziyyətinə düşərək dili qatlanan sürücüyə tibbi müdaxilə edilsə də, onun həyatını xilas etmək mümkün olmayıb. 
Qeyd edək ki, araşdırma zamanı kimliyi müəyyən olunan 1975-ci il təvəllüdlü, Sabirabad rayonu, Qaratoğay kəndinin sakini Mürsəlov Qalib Bibiqulu oğlu işiylə əlaqədar Qazax rayonu istiqamətində avtomobilini idarə edib.

Nərmin