Qaradağda avtomobilini aşıran sürücü öldü

Bakının Qaradağ rayonunda ölümlə nəticələnən qəzalar baş verib. Avtosfer.az xəbər verir ki, bu barədə teleqrafa Daxili İşlər Nazirliyinin mətbuat xidmətindən məlumat verilib. 

Məlumata görə, hadisələrdən biri rayonunun Ələt qəsəbəsində qeydə alınıb. Ağdaş rayon sakini Ceyhun Bayramov idarə etdiyi “Opel” markalı avtomobili aşırıb. Nəticədə onun sərnişini - Bərdə rayon sakini Bayram Əfəndiyev hadisə yerində ölüb.

Daha bir yol qəzası Qaradağ rayonunun Səngəçal qəsəbəsində qeydə alınıb. Bakı şəhər sakini Fərid İbadov idarə etdiyi "Hyundai" markalı avtomobili yolayrıcısına vurub. Xəstəxanaya  yerləşdirilmiş F.İbadov orada ölüb.

Hər iki faktla bağlı araşdırma aparılır.