Qatar və maşın toqquşdu: 3 nəfər öldü

Fransanın cənub-şərqində yerləşən Orn departamentinə dəmir yolu keçidində qatar və avtomobil toqquşub. Yerli hakimiyyət orqanlarının yaydığı məlumata görə, hadisə nəticəsində üç nəfər həlak olub. Orn departamentinin rəsmisi Paskal Vionun sözlərinə görə, qəzaya səbəb avtomaşının dəmir yolunun ortasında dayanması olub. Toqquşma baş verəndən sonra Paris istiqamətində hərəkət edən qatar zərbə nəticəsində alışan avtomobili bir neçə yüz metr məsafədə sürüyüb. Avtomobildə olan üç sərnişin həlak olub. Daha bir qadın nəqliyyat vasitəsini qəza baş verməmişdən öncə tərk edə bilib. Qatarın 34 sərnişinindən heç biri xəsarət almayıb, deyə "Frans Press" agentliyi bildirir.