Qayda pozan “Mercedes” və “06” qəza qurbanına çevrildi - VİDEO

Kürdəmir rayonunda nəqliyyat vasitələrinin toqquşmasıyla nəticələnən qəza baş verib.
Avtosfer.az-ın məlumatına əsasən, hadisə dünən günorta saatlarında qeydə alınıb. Görüntüdən aydın olduğu kimi, “Mercedes” markalı avtomobillə “VAZ-2106” markalı avtomobil bir-birinə çırpılıb. Hadisə şahidlərinin iddiasına görə, qəzanın baş verməsinə səbəb “06” sürücüsünün qəfil yüksək sürətlə hərəkət edən  “Mercedes”in qarşısına çıxması olub. Nəticədə toqquşan nəqliyyat vasitələri tamamilə sıradan çıxıb, sürücülər isə müəyyən dərəcəli xəsarət alıb.
Qeyd edək ki, hadisəylə bağlı qəza bölgəsinə DYP əməkdaşları cəlb olunub. Faktla bağlı araşdırma aparılır.

Nərmin