Qayda pozan yük maşını “06” ilə toqquşdu - ANBAAN VİDEO

Qayda pozuntusuna yol verən sürücü qəzaya səbəb olub.
Avtosfer.az xəbər verir ki, yol-nəqliyyat hadisəsi Tovuz rayonunun Qovlar şəhərində qeydə alınıb. Videoda göründüyü kimi, “Ford Transit” markalı yük maşını, “VAZ-2106” markalı avtomobillə toqquşub. Belə ki, “Ford” sürücüsü avtomobilini parkladığı ərazidən çıxarıb və yoluna davam etmək istəyib. Bir neçə saniyə qərarsızlıq göstərən sürücü anidən yolu dönməyə cəhd edib. Bu zaman sol tərəfdən gələn “VAZ-2106” markalı maşın yolun ortasında dayanmış “Ford”a çırpılıb. Nəticədə hər iki nəqliyyat vasitəsi zədələnib. Sürücülər arasında xəsarət alan yoxdur. 

Nərmin