Qayda pozuntusu motosikletçiləri yerlə bir etdi - VİDEO

Qayda pozan avtomobil və ondan geri qalmayan moped sürücüsü qəzaya səbəb oldu. 
Avtosfer.az xəbər verir ki, sosial şəbəkələrdə maraqla qarşılanan qəza paytaxtın mərkəzi küçələrindən birində baş verib. Motosiklet sürücüsünün videosuna düşən görüntülərdən də aydın olduğu kimi yüksək sürətlə hərəkət edən motosikletlər qəza qurbanına çevriliblər. Belə ki, önə keçmək avtomobil sürücüsü yandakı motosikleti gözardı edərək sağ istiqamətə manevr edib. Bu zaman zolaqdan zolağa keçərək gələn motosiklet sürücüsü avtomobilin törətdiyi qayda pozuntusunu təkrarlayaraq qəza yaradıb. Belə ki, öndəki nəqliyyat vasitələrinin arasına girmək istəyən moped sürücüsü idarəetməni itirərək sağdakı motosikleti də üzərinə aşırıb. Maraqlı məqam isə yerə yıxılan motosikletçilərdən biri - qəzaya səbəb olan sürücünün ayağa qalxaraq avtomobilin arxasınca qaçması olub. 

Nərmin