Qayda pozuntusu qəzaya səbəb oldu: “Prius”lar toqquşdu

Səbrsiz davranaraq yol nişanını görməzdən gələn sürücü qəza yaradıb.
Avtosfer.az-ın məlumatına əsasən, qəza hadisəsi Ziya Bünyadov prospektinin kənar yolunda baş verib. Avtomobilin videoregistratoruna düşən görüntülərdən aydın olduğu kimi, hərəkət edən “Toyota Prius” markalı avtomobil sağ tərəfdən gələn eyni markalı maşınla toqquşub. Belə ki, yolayrıcına çatan “Prius” yolu keçdiyi zaman sağ tərəfdəki avtomobil yol ver nişanının tələbinə məhəl qoymayıb. Nəticədə qayda pozan sürücü öndən keçən “Prius”a dəyərək qəzaya səbəb olub. Sürücülər arasında ciddi xəsarət halı nəzərə alınmasa da, qəza qurbanına çevrilən “Prius” ciddi zədələnib. 

Nərmin