Qəbələdə iki avtomobil toqquşdu, 5 nəfər xəsarət aldı - YENİLƏNİB

Daxili İşlər Nazirliyinin Mətbuat Xidmətinin Şəki regional qrupundan bildirilib ki, bu gün saat 16 radələrində Qəbələ şəhəri ərazisində “VAZ-21011” və “VAZ-2106” markalı avtomobillər toqquşub. Hadisə nəticəsində 5 nəfər rayon sakini - 1992-ci il təvəllüdlü Fariz Qasımzadə, 1984-cü il təvəllüdlü Niyaməddin Şərifov, 2005-ci il təvəllüdlü Kənan Mahmudov, 2004-cü il təvəllüdlü Fuad Mahmudov və bir yetkinlik yaşına çatmayan şəxs xəsarət alıblar.

Faktla bağlı Qəbələ Rayon Polis Şöbəsində araşdırma aparılır.

***

Qəbələdə iki avtomobil toqquşub.

İlkin məlumatlara əsasən hadisə nəticəsində "VAZ-21011" markalı avtomobil "VAZ-2106" ilə toqquşub. Qəza nəticəsində beş nəfər müxtəlif dərəcəli bədən xəsarətləri alıb. Xəsarət alan şəxslər rayon mərkəzi xəstəxanasına çatdırılıb.

Faktla bağlı araşdırma aparılır. Əlavə məlumat veriləcək. (apa)