Qəza nəticəsində avtomobillərdən biri işıq dirəyinə çırpıldı - FOTO

Gəncədə yol-nəqliyyat hadisəsi baş verib.

APA-nın məlumatına görə, hadisə şəhərin Nəriman Nərimanov prospektində qeydə alınıb.

Hərəkətdə olan "VAZ 2115" markalı minik maşını ilə "Daewoo" markalı minik maşını toqquşub. "VAZ 2115" daha sonra işıq dirəyinə çırpılıb. Nəticədə işıq dirəyi aşıb, elektrik təsərrüfatına ziyan dəyib. Hadisədə xəsarət alan olmasa da, hər iki avtomobilə ciddi ziyan dəyib.

Əraziyə DYP əməkdaşları cəlb olunub. Faktla bağlı araşdırma aparılır.