Qəza törədərək öz həyatıyla oynadı, 3 avtomobili yararsız hala saldı - VİDEO

Yüksək sürətlə idarəetməni itirən sürücü 3 avtomobilin sıradan çıxmasına səbəb olub.
Avtosfer.az xəbər verir ki, zəncirvari qəza iyunun 27-də günorta saatlarında Ziya Bünyadov prospektində qeydə alınıb. Görüntülərdən bəlli olduğu kimi, “Mercedes” markalı yük maşını “Bakubus” MMC-yə məxsus “77-JA-683” dövlət qeydiyyat nişanlı avtobusla, o isə “90-OM-379” dövlət nömrə nişanlı, “Opel” markalı avtomobillə toqquşub. Hadisə şahidlərinin məlumatına əsasən, qəza “Mercedes” markalı yük maşınının yüksək sürətlə avtobusun yoluna çıxması nəticəsində baş verib. Nəticədə “Bakubus”a dəyən yük maşınının ön hissəsi tamamilə sıradan çıxıb. Avtobus isə aldığı zərbə ilə öndəki “Opel”lə toqquşaraq avtomobilin sağ tərəfini yararsız hala salıb. Qəza səbəbkarı aldığı ağır xəsarətlərlə xəstəxanaya yerləşdirilib. Digər nəqliyyat vasitələrində isə yaralanan olmayıb.

Nərmin