Qəzada maşın kağız kimi əzildi - VİDEO

Avtosfer.az xəbər verir ki, bu görüntülər Fransada keçirilən sürət yarışında lentə alınıb. Tez-tez qəzaların baş verdiyi yarışa, fransalı pilot Yoan Drumen və köməkçisi Qabriel Dürandın nəzarətində olan avtomobilin ağaclara çırpılaraq tanınmaz hala düşməsi möhür vurub. Dəhşətli qəzada tamaşaçılar faciəvi şəkildə ölməkdən son anda xilas olub.

Ümumiyyətlə  əlverişsiz yollarda keçirilən Rond del La Dürans rallisi üçün avtomobil qəzaları o qədər də yad anlayış deyil. Sürücülərin enişli-yoxuşlu torpaq yalda yüksək sürətlə idarə etdiyi maşınlar ən yaxşı halda sürücünün nəzarətindən çıxdıqdan sonra yol kənarına aşır. Bu dəfə isə vəziyyət fərqli olub. Nəzarətdən çıxan avtomobil birbaşa tamaşaçıların üstünə istiqamətlənib. Bu vaxt yol kənarındakı  iri ağac faciənin qarşısını alıb. Ağacla toqquşan avtomobil zərbənin şiddətindən havaya uçaraq yolun əks istiqamətdindəki başqa bir ağaca çırpılıb.

Qəzadan sonra tamaşaçılar avtomobildə əzilən sürücülərin köməyinə qaçıb. Bunununla belə,  sürücü və köməkçisinin qəzadan ciddi xəsarət almadan sağ çıxması diqqət çəkib.

Amma bu qəza sürücülərin gözünü də qorxutmayıb. Bu cür qəzaları adi hal kimi qarşıladıqlarını deyən pilotlar yarışlara qaldıqları yerdən davam edəcəklərini deyiblər.