Qorxunc qəza: 5 nəfər xəsarət aldı, onların üçü qaçdı - VİDEO

Avtosfer.az regiontv-yə istinadən xəbər verir ki, ötən gecə Tovuz rayonunda dəhşətli yol nəqliyyat hadisəsi baş verib. Qazaxdan Bakı istiqamətində hərəkətdə olan "Mercedes" markalı avtomobil işıqforun qırmızı işığına məhəl qoymadan yolu keçməyə cəhd edib. Bu zaman "VAZ 2106" markalı minik maşını ilə toqquşub. Daha sonra idarəetmədən çıxan "Mercedes" markalı avtomobil yol kənarındakı elektrik dirəyinə çırpılaraq aşıb. Hadisə şahidlərinin dediyinə görə, qəza baş verən vaxt avtomobildə 5 nəfər olub. Tovuz Rayon Mərkəzi Xəstəxanasına isə iki nəfər yaralı aparılıb. Onlar Əlimərdanlı kənd sakinləri  25 yaşlı Elvin Nəsirov  və 22 yaşlı İlqar Məmmədovdur. Digər üç nəfər yaralı isə hadisə yerindən qaçıb. Faktla bağlı cinayət işi açılıb və araşdırma aparılır.