Qorxunc qəza: Sürücünün əzilmiş cəsədi güclə çıxarıldı, dostu tanınmaz hala düşdü - VİDEO

Ötmə əməliyyatı edən sürücü qarşı yola çıxaraq ağır yol-nəqliyyat hadisəsi törədib. 
Avtosfer.az xəbər verir ki, dəhşət doğuran qəza bugün saat 07:15 radələrində Binəqədi-Xocahəsən yolunda qeydə alınıb.

Görüntülərdən aydın olduğu kimi, “49-BX-096” dövlət nömrə nişanlı, “Ford Transit” markalı yük maşını “Volkswagen Caddy” markalı minik vasitəsiylə toqquşub.

Hadisə şahidlərinin iddiasına əsasən, qəzanın baş verməsinə səbəb “Ford” markalı yük maşınının qəfil manevrlə “Volkswagen”nin yoluna çıxması olub.

Nəticədə, “Ford”a çırpılan “Volkswagen” tamamilə tanınmaz hala düşərək dərəyə aşıb. Əzik-əzik olan avtomobilin sürücüsü hadisə yerindəcə keçinib, həmçinin avtomobilin sahibi - sürücünün yanında əyləşən dostu ağır xəsarətlərlə xəstəxanaya yerləşdirilib. “Ford”un sürücüsü isə orta dərəcəli yaralanıb.
Qeyd edək ki, baş vermiş qəzayla bağlı araşdırma davam edir.

Nərmin