Quba-Xaçmaz yolunda AĞIR QƏZA: "Opel" ağaca çırpıldı - FOTO - YENİLƏNİB

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Quba rayonunun Alekseyevka kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Bu barədə FHN məlumat yayıb.

Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “Opel” markalı minik avtomobili yol kənarındakı ağaca çırpılıb, 1 nəfər avtomobildə sıxılmış vəziyyətdə qalıb.

Həyata keçirilən xilasetmə tədbirləri nəticəsində 1 nəfər müxtəlif xəsarətlərlə nəqliyyat vasitəsindən çıxarılaraq təcili tibbi yardım briqadasına təhvil verilib.

19:34

Quba-Xaçmaz yolunda, Quba rayonunun Alekseyevka kəndi ərazisində baş verən qəza nəticəsində 3 nəfərin xəsarət aldığı məlum olub.

Xəsarət alanlar avtomobilin sürücüsü 1981-ci il təvəllüdlü Pərviz Hüseynov, sərnişinləri 1972-ci il təvəllüdlü Xalidə Eldarova və 2001-ci il təvəllüdlü Gültəkin Mirzəyevadır.

***

Quba-Xaçmaz yolunun Quba rayonunun Alekseyevka kəndi ərazisindən keçən hissəsində ağır yol nəqliyyat hadisəsi baş verib.

"Opel" markalı avtomobil yoldan çıxaraq ağaca çırpılıb. Hadisə nəticəsində xəsarət alanlar var. Nəticədə Quba-Xaçmaz yolu bağlanıb, uzun tıxac yaranıb.

Faktla bağlı araşdırma aparılır. (apa)