Qubada ağır qəza: 1 ölü, 2 yaralı

Quba rayonunda ölümlə nəticələnən yol nəqliyyat hadisəsi baş verib. 

Avtosfer.az teleqraf-a istinadən xəbər verir ki, hadisə rayonun Zərdabi kəndində qeydə alınıb. 

Xaçmaz rayon sakinləri Ziyəddin Qurbanovun və Zakir Usmanovun idarə etdiyi “VAZ” markalı avtomobillər toqquşub. Zakir Usmanov və 2 sərnişini xəstəxanaya yerləşdirilib. Xəstəxanada Zakir Usmanova tibbi yardım göstərilsə də, onun həyatını  xilas etmək mümkün olmayıb. 

Faktla bağlı Quba Rayon Polis Şöbəsi tərəfindən araşdırma aparılır.