Ramanada “Opel” aşdı, polis və vətəndaşlar dərhal köməyə gəldi - VİDEO

Paytaxtın Sabunçu rayonu, Ramana qəsəbəsində yol qəzası qeydə alınıb.

Avtosfer.az-ın məlumatına görə, hadisə mayın 27-də gecə saatlarında baş verib. Belə ki, hərəkətdə olan 50-EA-861 dövlət nömrə nişanlı “Opel” markalı maşın idarəetmədən çıxaraq qəzaya uğrayıb. Şahidlərin iddiasına əsasən, yol-nəqliyyat hadisəsinə səbəb avtomobilin yüksək sürətlə idarə edilməsi olub. Nəticədə sükanı buraxan sürücü maşını aşırıb. Hadisə yerinə DYP əməkdaşları və vətəndaşlar gəlib. Onlar aşan maşını yenidən əvvəlki vəziyyətinə qaytarıblar. Qəza zamanı sürücü yüngül bədən xəsarətləri alıb, avtomobilə ciddi maddi ziyan dəyib.

Faktla bağlı araşdırma davam edir. 

Nərmin