Rayonlarda 3 qəzada 3 nəfər öldü

Qəbələdə ölümlə nəticələnən yol-nəqliyyat hadisəsi baş verib. Daxili İşlər Nazirliyi mətbuat xidmətindən Avtosfer.az-a verilən məlumata görə, Qəbələ şəhərində rayon sakini Cumar Ağayevin idarə etdiyi “VAZ-21074” ilə həmyerlisi Tural Rəsulovun idarə etdiyi “QAZ-32231” markalı avtomobillər toqquşub. Qəza nəticəsində sürücülər və “VAZ-21074” markalı maşında olan 3 sərnişini xəstəxanaya yerləşdirilib. Sürücü Cumar Ağayev yerləşdirildiyi xəstəxanada dünyasını dəyişib.

Goranboy rayonunun Şəfibəyli kəndində rayon sakini Telman Əmrahov idarə etdiyi “VAZ-21011” markalı avtomobilini yolun kənarında dayanan Səyyaf Həsənova məxsus “HOVO” markalı avtomobilə çırpıb. Nəticədə “VAZ-21011” markalı avtomobilin sürücüsü Telman Əmrahov hadisə yerində ölüb.

Üçüncü qəza isə Füzuli rayonunda qeydə alınıb. Rayonunun Alxanlı kəndində rayon sakini Şirazi Quliyev idarə etdiyi “Mercedes” markalı avtomobili aşırıb. Nəticədə o, aldığı xəsarətlərdən hadisə yerində ölüb. Hər üç faktla bağlı müvafiq polis idarələrində araşdırmalar aparılır.

Fidan