Rusiya vətəndaşı Qusarda traktoru vurdu - YENİLƏNİB

Avqustun 16-da Qusar rayonu Samur qəsəbəsində traktorun iştirakı ilə yol qəzası baş verib.

Avtosfer.az Daxili İşlər Nazirliyinin məlumatına istinadla xəbər verir ki, Rusiya Federasiyası vətəndaşı Xadik Osmanovun idarə etdiyi “Toyota” markalı avtomobillə rayon sakini Əzim Əzimovun idarə etdiyi “T-25” markalı traktor toqquşub.

Baş vermiş yanğın nəticəsində avtomobilin və traktorun yanar konstruksiyaları yanıb, Ə.Əzimov xəstəxanaya yerləşdirilib və orada ölüb. 

09:15

Avqustun 16-sı Qusarda yol nəqliyyat hadisəsi baş verib.

Avtosfer.az Fövqəladə Hallar Nazirliyinə istinadən xəbər verir ki, Qusar rayonu, Samur qəsəbəsində (rayon mərkəzindən 30 km aralı) “Toyota” markalı minik avtomobili ilə "T-25" markalı traktorun toqquşması nəticəsində yanğın hadisəsi baş verib.

Yanğın nəticəində hər iki nəqliyyat vasitəsi yanmışdır. Yaxınlıqdakı tikililər yanğından mühafizə olunmuşdur. 

Yanğın saat 22:22-də yanğınsöndürənlər tərəfindən söndürülmüşdür.