Rusiyada yol qəzasında 3 nəfər ölüb, 2 nəfər yaralanıb

Rusiyanın Sankt-Peterburq şəhərində 3 nəfərin ölümü, 2 nəfərin yaralanması ilə nəticələnən yol qəzası baş verib.

APA RİA Novosti-yə istinadən xəbər verir ki, qəza saat Kurortnı rayonunun Zelenoqorsk şossesinin 5-ci kilometrliyində qeydə alınıb.

“Toyota Corolla” markalı avtomobil qarşıdan gələn zolağa çıxaraq “LADA Granta” markalı avtomobillə toqquşub.

İlkin məlumata görə, “Toyota Corolla”nın sürücüsü sərxoş olub. O, xəsarət alaraq xəstəxanaya yerləşdirilib. Avtomobildəki kişi isə aldığı xəsarətdən ölüb.

“Lada” markalı avtomobilin də sürücüsü və sərnişini qəza zamanı dünyasını dəyişib.

"Lada"da olan 32 yaşlı kişi isə ağır vəziyyətdə xəstəxanaya çatdırılıb.

Qəzanın başvermə səbəbləri araşdırılır