Sabirabadda iki avtomobil toqquşdu: xəsarət alanlar var

Sabirabadda yol qəzası olub, xəsarət alanlar var.

Hadisə Hacıqabul-Bəhramtəpə magistralının rayonun Qaratəpə kəndi ərazisindən keçən hissəsində qeydə alınıb.

Belə ki, iki minik avtomobilinin toqquşması nəticəsində iki nəfər xəsarət alıb.

Xəsarət alanlardan birinə hadisə yerində ilk tibbi yardım göstərilib. Digəri, Sabirabad rayonunun Nərimankənd kənd sakini, 1991-ci il təvəllüdlü Əhmədov Fərid Gülmirzə oğlu isə Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır. (report)