Sabirabad rayonunda iki nəfərin xəsarət alması ilə nəticələnən yol qəzası baş verib.

Avtosfer.az-ın məlumatına görə, hadisə rayounun Novruzlu kəndi ərazisində qeydə alınıb.

Belə ki, iki minik avtomobilin toqquşması nəticəsində Sabirabad rayon sakinləri, 1969-cu il təvəllüdlü Babayev Mehdi Abuzər oğlu və 1961-ci il təvəllüdlü Muxtarov Ağaşəf Muxtar oğlu müxtəlif dərəcəli xəsarətlər alıblar.

Xəsatər hər iki şəxs Sabirabad rayon Mərkəzi Xəstəxanasına yerləşdirilib.

Faktla bağlı araşdırma aparılır.