Sabirabadda motosiklet aşıb, xəsarət alanlar var

Sabirabad rayonunda baş verən yol qəzasında iki nəfər xəsarət alıb.

Avtosfer.az-ın məlumatına görə, hadisə rayonun Kürkəndi kəndində qeydə alınıb.

Belə ki, hərəkətdə olan motosiklet yolun kənarına aşıb.

Qəza nəticəsində rayonun Kürkəndi kənd sakinləri, 1993-cü il təvəllüdlü Qurbanov Cahangir Habil oğlu və 1992-ci il təvəllüdlü Vəliyev Məhəmməd Lələxan oğlu müxtəlif dərəcəli xəsarətlər alıb.

Yaralılar Sabirabad Rayon Mərkəzi Xəstəxanasına çatdırılıblar.

Faktla bağlı araşdırma aparılır.

Report