Şabranda naməlum avtomobil piyadanı vuraraq öldürüb

Şabran rayonunda naməlum avtomobil piyadanı vuraraq öldürüb.

“Report”un xəbərinə görə, hadisə rayonun Padar kənd ərazisində qeydə alınıb.

İlkin məlumata görə, naməlum avtomobil hərəkətdə olan zaman piyada, 1957-ci il təvəllüdlü Məmmədov Elman Ənvər oğlunu vurub. Nəticədə piyada hadisə yerində dünyasını dəyişib.

Daha sonra avtomobil hadisə yerindən yayınıb.

Hazırda nəqliyyat vasitəsinin müəyyən edilməsi istiqamətində zəruri tədbirlər həyata keçirilir.

Faktla bağlı araşdırma aparılır.