Sağdan ötmə edən "Prius" sürücüsü keçiddəki qadını vurdu - ANBAAN VİDEO

Bakıda yolu keçən piyada avtomobil tərəfindən vurulub. Avtosfer.az xəbər verir ki, hadisə paytaxtın Binəqədi şossesində baş verib. Belə ki, avtobusdan düşən qadın keçiddən keçən zaman yüksək sürətlə hərəkət edən “Toyota Prius” markalı avtomobilin sürücüsü tərəfindən vurulub. Sürücü sağdan ötmə edən zaman piydanı son anda gördüyü üçün qəzadan yayına bilməyib. Oxucuların verdiyi məlumata görə, avtobus sürücüsü həmin qadını dayanacaqdan kənarda düşürüb.

“Yol hərəkəti haqqında” qanunda qeyd olunub ki, əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.

Bu qaydanın tələbinə ciddi şəkildə əməl etmək lazımdır. Əks halda faciəvi qəzaların baş verməsinə yol açır.

Fərid