Salyanda iki avtomobil toqquşub

Salyanda yol-nəqliyyat hadisəsi baş verib.

“Report” xəbər verir ki, hadisə axşam saatlarında şəhərin mərkəzindəki 9 mərtəbəli binanın yaxınlığında qeydə alınıb.

Belə ki, “VAZ- 2106” markalı avtomobil arxadan “Mitsubishi” markalı avtomobilə çırpılıb.

Nəticədə “Mitsubishi” idarəetmədən çıxaraq yolun kənarındakı işıq dirəyinə çırpılıb. Hadisə zamanı xəsarət alan olmasa da avtomobillərə ziyan dəyib.

Faktla bağlı araşdırma aparılır.