Salyanda yol qəzası olub, yaralılar var

Salyanda yol qəzası baş verib.

Avtosfer.az xəbər verir ki, Ələt-Astara avtomobil yolunun Salyan rayonunun Xıdırlı kəndindən keçən hissəsində qeydə alınıb. Belə ki, rayonun Xıdırlı kənd sakini, 1989-cu il təvəllüdlü, Əsədov Şahin Əsəd oğlunun idarə etdiyi “NİVA” markalı avtomobil əks yola çıxaraq qarşıdan gələn “Toyota” markalı avtomobillə toqquşub. Hadisə nəticəsində “NİVA”nın sürücüsü və həmkəndlisi olan sərnişini, 1980-ci il təvəllüdlü Qəmbərov Tehran Xudaverdi oğlu xəsarət alaraq Salyan Rayon Mərkəzi Xəstəxanasına yerləşdiriliblər. Sürücünün vəziyyətinin ağır olduğu bildirilir.

Faktla bağlı araşdırma aparılır.