Səbaildə iki qəza: 1 ölü, 4 yaralı

Bakının Səbail rayonunun Salyan yolu küçəsində ölümlə nəticələnən yol-nəqliyyat hadisəsi baş verib. Avtosfer.az xəbər verir ki, Bakı şəhər sakini Samir Kazımov idarə etdiyi “Hyundai” markalı avtomobillə yolu keçən Neftçala rayon sakini Mirzəağa Quliyevi vurub. 

Xəstəxanaya yerləşdirilmiş Mirzəağa Quliyev orada ölüb.

Bundan başqa, Səbail rayonunun Salyan şossesində Bakı şəhər sakinləri Səxavət Salahovun və Nizami Mehdiyevin idarə etdikləri “Mercedes” markalı avtomobillər toqquşub. 

Hər 2 sürücü, habelə N.Mehdiyevin 2 sərnişini xəstəxanaya yerləşdiriliblər. N.Mehdiyevin vəziyyəti ağır, digərlərinə isə ilkin tibbi yardım göstərildikdən sonra buraxılıblar. Hər iki faktla araşdırma aparılır.